Namana

Villa "La Dryade" - Route d'Ambohipo - chez Michael

Fa tsarotsaroako (Feo Gasy)

 Fa tsarotsaroako
'rony andro taloha
Fony zaza sy bodo
Tsy mba nivaky loha
Fa na ratsy na tsara
Dia niaraha-nizara
Tsy mba misy ny avo sy iva
Ny ankizy mpinamana

Endrey ny haravoana ianareo manoloana
Taona maro tsy nihaonana izay
Ka tsy maintsy tondrahana
Ka raiso ny vera, ahidino ny petsa
Fa iray toa zato ny andro anio
Ka ifalifalio

Ny hamamin'ny lasa
Tsy mba haiko adinoina
Toy ny sary voasasa
'rony nofy tanora
Haitraitra sy ditra
No tovozin-tsy ritra
Tsy asiako nenina letsy izy ireny
Na dia indray mipika

Endrey ny haravoana ianareo manoloana
Taona maro tsy nihaonana izay
Ka tsy maintsy tondrahana
Ka raiso ny vera, ahidino ny betsa
Fa iray toa zato ny andro anio
Ka ifalifalio